細蚊仔白天冇人照顧可以送去“日托”，而家老人家冇人照顧都可以送去“日托”啦!荔灣區逢源街有間鄰舍長者日間護理中心，呢個月開始營業，每月交200蚊再加啲伙食費，老人家就可以“入讀”。

其實照顧老人家嘅“日托”同照顧細蚊仔嘅“日托”係唔同嘅，因為老人家嘅日托，主要係幫佢哋打發下時間，所以老人“日托”里邊有康復室、感官室呢啲功能區，啲康復器材仲係專門為老人家訂造嘅添。當然，“日托”里邊仲會組織老人家搞搞興趣小組、茶話會，或者一齊打下麻將，等啲老人家冇咁悶。

老人家嘅“日托”里邊仲有好專人嘅護理人員，佢哋會根據老人家們嘅身體情況安排肢體康復運動、平衡能力訓練等等。

而家喺北京、深圳呢啲發達城市里面，呢種老人“日托”嘅地方越嚟越多。“去‘日托’梗係好過去老人院啦。”逢源街王婆婆話，白天去“日托”同人傾下偈，有人煮飯有人照顧，最緊要係夜晚可以返去同屋企人一齊，所以，她都諗緊係咪報名入“日托”。